....................
الزروقي جواد
..............
🌹 بين الحياة والموت🌹
أنا غادي وغادي......
محال نرجع لداري
عند حبابي وا و لادي
إلا كتاب وداتني الموت
ولا قتلني شي مشموت
ما تسولوش شكون فيه لافوت
وشنو السبب وشنو. وشنو......
كلشي راه واضح وباين
هاد شي لي كاين
راه ساعتي وصلات
بلا ما نبقا نساين
دفنوني فقبري نرتاح
وبراكة من البكى والنواح
باش ما نشوف النفاق
ودموع التماسيح.......
دايران فيها من حبة قبة
ومن المعزاة قصة طويلة
فيها ألف ليلة وليلة
ها أنا مشيت اه مشيت.......
نعيش فقبري وحدي
مجهول بين القبور
سماو قبري سمية غريبة......
صعيب يقراها داك الجاهل
حيت قليل بنادم لعاقل
سميت قبري حروف مبعثرة
كلها وينسج سمية من داك الحروف
باش يسميو بهم قبري
وما يبقاش قبري متلوف
كلها ويگول سمية
ساعة بان داك الفاهم
من كثرة اللهطة والخوف
تلاف يقرى داك الحروف
الناس ساكتا وكتشوف
والفاهم ضايخ ومتلوف
تعصبت وما بقا فيا خوف
خديت داك الحروف
والناس كلها كتشوف
بغيت نجمعها فسمية
وخا أنا مجهول الهوية
حاولت ودارت لي عليا
باش نكتب لقبري سمية
باش يزوروني الحباب و الناس
وكل من يسول عليا
ساعة الحروف عليا
غضبات وشحال بكات
گالت عاشنا معاك فالحياة
ونبقاو معاك حتى فالممات
دير لينا بلاصة حداك
ونسا كلام الناس لي فات
راه الدنيا دارت فينا داكشي لبغات
ونا هنا حكايتي سلات
وجمعت داك الحروف
وكتبتهم عنوان
بين الحياة والممات
🌹الزروقي جواد 🌹
المغرب
ليست هناك تعليقات:
إرسال تعليق