..................
محمود محمد العوض
...............
نحن أطفال السلآم
للأديب الشاعر محمود محمد العوض
نحن أطفال المحبة نحن أطفال السلآم
منرسم ومنكتب قصص ومننشد الأشعار المحبة والأمن والسلام
منرسم السما وحمام السلآم منرسم
بحور وسهول وجبال منكتب للوطن
أنشودة بعنوان رسالتنا لكل العالم نشر المحبة والأمن والسلام بدنا السما والأرض والبحر خالي من أسلحة الدمار بدنا ع الأرض ورود
وغصون زيتون مزروعة مابدنا ألغام
بدنا بالسما طيور السلآم مابدنا
طيارات القتل والدمار مابدنا عدوان
بدنا بالبحر زوارق المحبة الأنسانية
بكل مكان ليعرف العالم نحن لسنا هواةِ حرب ودمار منعشق السلآم منعشق الألعاب ومراجيح الاعياد
لا تبيعونا أشعار باسم الحرية والديمقراطية بدنا تتحقق ع الواقع كل
الأمنيات والأحلام بكفي بكفي آن الأوان بكفي دموع وخوف وبرد وحرمان شردتنا الحروب مُشتتين
بعيد عن الوطن بخيم غرقانين بالمطر والثلج رحلت عنا الأفراح والعيد منبكي ع حضن وطن دافي
يدفينا منبكي ع مدارسنا ع مقاعدنا ع
شوارعنا الحزينة ع مراجيح حدائقنا
ع زيارة مساجدنا وكنائسنا ع رغيف
خبزنا الساخن ع ساحاتنا وملاعبنا
ع ألعابنا المطمورة تحت الركام ع
صورنا الممزقة المحروقة ع كل ذكريات الطفولة ايمت بتتحقق هي
الأحلام مناشدكم من داخل الأوطان
مناشدكم من خارج الأوطان باسم السلآم بالعطف والمحبة لكل الأطفال
والعودة لحضن الأم في جميع الأوطان
ليست هناك تعليقات:
إرسال تعليق