ديوان أكاليل الإلكتروني لسفراء القلم

 .....................

احمد صبري

......................

كل واحد

احمد صبري

-

كل واحد له حكايه

له بداية وله نهاية

والغريب مبقاش غريب

والقريب مبقاش معايا

الحبيب اْه م الحبيب

كل مامسك فيه يسيب

ليه عذابي مش كفاية

دنيا صعبة زمن عجيب

-

كل واحد عنده حالة

تيجي اْو بتروح معاه

جوه منه الف حاجة

فيها كام حاجة وجعاه

كل واحد عنده علة

كبيرة كانت ولا قلة

واللي ماسك لقلبه ذلة

واللي عينه مبكياه

-

كل واحد له حساباته

كل واحد اْْدرى بحياته

بس مين بسهولة يقدر

وهينسى اْجمل اْْوقاته

كل واحد زي قلبه

زي روحه شكل عقله

له حياه لازم يعيشها

له نصيبه وإنكتب له

-

كل واحد له طريق

غصب عنه بيمشي فيه

حب كان كل الحنان

حب تاني ندمان عليه

جرح عايش من سنين

ناس لاقاهم غدارين

هو دا شكل السنين

;كل واحد له ماضيه

-

م البداية كنت خايف

واللي طمني اْذاني

كدب عليا وهو عارف

انه هيسيبني وينساني

اه يا حب ويا غرام

تيجي وتروح الايام

باعوني ياما ل اْحزاني

والتمن ماعرفش كام