..............
بوسبولة المحجوب
....................
////////+++جيت نزورك+++////////
جيت نزورك وانا عندك
قالوا ليا دواك كايشفي
وشحال زرت من والي قبلك
ف الغربة ياك كثر خوفي
مانفعاتني عندك وقفة
واباش نوصل لك اتسلفت
كثرات عندي عثرات تلفة
ف الوهم عشت ياك تخلفت
اعبدتي ربك هذا شحال
ووصلتي ياك فين بغيتي
وحنا عايشين غير ف لخيال
عاطي الله ياللي معطيتي
وللي مات مات مابقى اكلام
ياك معنى باينة فين لسان
غطاه ثراب هذي ايام
ابقى غير ضريح له عنوان
معدن الصالح يرحل ينجا
والخاسر يعثر في عمق نار
دابا دابا نسى نتفاجا
نعمل اعمايل دوك لبرار
////////+++بقلم صقر الحروف الزجال بوسبولة المحجوب+++////////
ليست هناك تعليقات:
إرسال تعليق