.................
سامى عبد الحى
.....................
دامت ودامت
أُمنا الغاليه الحبيبه
مصر الحبيبه
الأم مهما زعلتنا
ولا حبه قست علينا
أصلى منها وهى منى
ومين هايغضب من حبيبته
وهى دايما نور عنينا..
ياوطن ساكن فؤادى
وأصلى من رَحِمك ميلادى
وجوه قلبك تحتوينا
ياوطن ساكن فى عينى
مهما الف ألف مينا
ارجع لك. ملهوف وساجد
مهما روحنا ولا جينا
اوضى روحى من ترابك
نكحل عيونا من تاريخك
ياقمر ليلى ال ساكن
كل شبر وشق فينا
ياوطن تعظيم سلام
ياحبيبتى ياموحدانا
يالى ساكن قلبك محمد
جنب هانى وأم مينا
وقلب حنا تجمعينا
ياسفينه صابره وحموله
عديتى لبر الامان بالسلامه
شايله همى وهم حنا وهم مينا
يالى دمك شهد واكتر
يا ساحره عيون الضيوف
يالى عشقك عندى كيف
ياعشق متسطر غناوى
من كل قاصى وكل دانِ
عمرى عن عشقق ماتوب
لو حتى يوم بتنهرينا
يالى فيكى الاه تدفى
يالى كفك ويا كفى
وان وعدتى لازم توفى
ديما بقلبك ياقمر،، بتحضنينا
يامسامحه تملى وعفيفه
حتى لو يوم نجرحك او تجرحينا
بنلاقيكى وتلاقينا
يام ليل رايق هواه ونسمته
يام صبح وشمس طاله
طالل من رحم الظلام
حتى ليلك يشبه لِجنه
بيفرق ع الكون سلام
يالى نيلك شريانه دمى
سالونى اسمك قولت امى
مانتى ال دايما بتهادينا
ضحكه حلوه من شفايفك
منوره غيوم شقانا تزيل همومنا
فيكى كل شيء ظريف
ان كان مدينه ولا ريف
فيكى من سحر الجمال
كلك من شيم الاصاله
يابلدى السمره الشريفه
والعتيه والابيه يامصر الكبيره
انتى عارفه فيه كتير
بيموتو غيره. لما بس يُذكروه
يام نهار لايق مبكر فل طارح
على العالم امل لبكره
زى مانتى صالبه عودك
ولسه طالعه. من مخاضك
سنين عجاف.. بس بردو
يا اميره. ساحره العالم والدول
هاتفضلى دايما اد الدنيا
دمت شامخه دمتى فرحه
دمتى يامصر الحبيبه
دمتى يامصر الحبيبه
بقلمى /
سامى عبد الحى
ليست هناك تعليقات:
إرسال تعليق