.................
مهدي الشندي مصر
.............
حقيقي بلاش تنطيط
في الكلام تقول وتعيد
اكلمك تنظر من بعيد
تجرح وتبقي سعيد
أمشي يالا ه بعيد
رسلت اليك مليون خطاب
أنت عامل نفسك جاهل
يا لا أبعد أنا ما استاهل
كل يوم تعمل اسطوانات
يا لا ياواد مش كل الستات
كان زمان ايام الشباب
أيام الطيش كنا بنات
كله شيء يا حبيبي أتغير
ما أصبح الصغير صغير
أنت في امرك كنت تحير
يا لاه ياد أنت لسه صغير
راجع بتعاتب ليه
فاكر الحب لعبه
ولا أنا لسه طفله
تعطيها حاجه بجنيه
أسمع مني مش هعدها تاني
الحب عطاء وود
مش شويه كلمات
حفظتهم من الاغاني
افهمك ازاي أنت جاهل حب
وكمان شخص أناني
أسمع مني يا ما سهرت ليالي
أقول بيحب وقلبك خالي
يا كنت محتاج منك كلمه
وأنت تنام وأنا سهران ليالي
روح يالاه بعيد وانساني
مهما عملت مش هنرجع تاني
أرجع لمين يساوي
حب اسمي المعاني
روح ياواد أبعد بعيد
بعد الجرح أصبحت سعيد
راجع ليه تقول وتعيد
كنت حاسيت وأنت بعيد
مستحيل إللي فات يرجع تاني
أسأل قلبك أنا غيرني إيه
أنا غيرني بعدك وهجرك
أنت بعدك اساك ونسيت
أنا ياما بعثت خطابات وحكيت
أنت عمرك مارديت
راجع تقول انت اسيت
أنا اساني عذابي وهجرك
أنت حد أناني
غيرت الحب بأجمل المعاني
راجع تقول أرجع تاني
خلاص ما في قلبي مكان لجرح
قلبي مايتحمل تاني
إنساني ياحبيبي إنساني
روح ياواد دور علي حد تاني
................................
مهدي الشندي مصر
ليست هناك تعليقات:
إرسال تعليق