................
على عبدالرحيم محمد
..................
الأخرس
؛ ؛؛؛؛؛؛؛؛؛؛؛؛؛
مركبه ورق
ماشيه ع المايه
والحرمان اللي اتخلق
خنق مشاعر المغربيه
واحساس الاخرس بغربته
ف أحضان احبابه وعشرته
نار نار بتزرع حرمانه ودمعته
وانا على شطك يابحر
بشكي ليك من وجع ليالبه
مركبه ورق ماشيه ع المايه
أخرس لابسمع ولا بتكلم
بس بحس وبدمع واتألم
وجوايا بلاد احساس مقهوره
حلمها تنطق تضحك تبكي
وتبات ف برواز الصوره
وتقول لك بصي ف عيني
ف نبضك ف حسك انا فيني
بصي ف عيني ح تقول لك
انتي عشق سنيني
سامعه بينده لك كل نبض فيه
مركبه ورق ماشيه ع المايه
بتنده ع القلوب اللي ما بتحس
ياريت ياقلبي تتعلم
وتبني ف بيوت الجحد عش
وتبعد وتبعد وتعند
وتزرع ف بلاد الغربه ورث
ابا هبا ببا يعني أخرس ياللي ما تعرفش
يعني ايه جبر الخواطر يعني ايه الحنيه
مركبه ورق ماشيه ع المايه
امشي يا مركبه امشي
وغرقي حرماني ويأسي
جوايا مشاعر تروى فدادين حب وحنيه
وخداني ليه بلاد الوحده والحرمان والقاسيه
أخرس اه بس من دم ولحم
بحس ب الفرح والهم
مش جماد لالا انا بشر يابشر
دا لما قلبي يدق يرق قلب الحجر
ليه انتي متكحله ب الغيمه
مش ب الحنيه والمطر
انا الاغنيه الحزينه
ليه قلبك مابيحس
ابا هبا ببا ابا يعني اخرس ياللي ماتعرفش
يعني جبر الخواطر يعني الحنيه
مركبه ورق ماشيه ع المايه
على عبدالرحيم محمد
ليست هناك تعليقات:
إرسال تعليق