.................
فتحي فرج
.................
الحلوة دى حبيبتي
****************
الحلوة دى حبيبتي
ما شوفتش زيِّها
بتنور لي مدينتي
وف قلبي حبها
وأقول حبيبتي مصر
ومحدش يوم يقولي
الحلوة دي ملهاش بر
وانا لو غريق تاخدني
بعيد عن كل شر
الحلوة دي حبيبتي
****
وف ليلة تقولّها ... محدش قبلها
خلاك تعيش العمر
وليلة تروح وتجري
تحضن ترابها بدرى
دي حبيبتي وهى عمرى
أم العيون السمر
مهما الزمان يعاكس
مقدرش اكون مشاكس
ولا هامشي في المعاكس
واقول ده منها أمر
الحلوة دي حبيبتي
****
ياريت تكون تملي
في عنيها صورة مني
ونيلها الحلو يجري
يحكيلها كلمة عني
ده مصر ساكنة قلبي
مهما الزمان يمر
الحلوة دي حبيبتي
********************
من ديوان /الحلم الصغير
شعر/فتحي فرج
ليست هناك تعليقات:
إرسال تعليق