................
أسامه جديانه)
..............
كله سلف ودين
ياللي بتبكيني
تيجي يوم تهجرني سنين
أيمته هتهنيني
بشتكيك بدمع العين
والأنين يواسيني
قلبي من هجرك حزين
محتاجه لك تراعيني
قولي جبت القسوة منين
وانا اللي رويتك بحنيني
قولي كلمة من حرفين
تسري فى شراييني
كلمة تجمع بين قلبين
على فراقك تصبرني
وفى بحري تفرد شراعك
على موجه تناجيني
تعوضني عن غيابك
ولا ألف غنوه تعوضني
انا اللي كنت فى منامك
بقولك ليه تبعد عني
ماسمعتش غير سكاتك
ياريت فى رد يجبرني
لكن سمعت نبضاتك
بتقول انك قريب مني
غزلت توب من همساتك
احس انك بتضمني
ولا يوم هنسى غرامك
فى ليل الشوق تكلمني
اتابع كل نظراتك
من بعيد بتراقبني
وانا من كلمة ارجعلك
حبيبي وعمري طمني
كفاية اني اكون جنبك
ولا لحظة تبعد عني
(((أسامه جديانه)))
ليست هناك تعليقات:
إرسال تعليق