...................
الزروقي جواد
.................
ضاع مني الشوف
كل نهار نشوف العجب
قبل ما تغرب الشمس
ويطيح الظلام
ماتبقاش تشوف خوك
ولا صورة عدوك
كل نهار ناقص من حياتي
يرجع ماضي
ودكريات من دكرياتي
العمر كولو يفوت
والجهد معاه يقلال
والحال مزال.......
علا حالو مزال......
كلها مشغول مع حالو
داك الشاعر مزال يكتب
مزال يبني فالكلام
على الغرام
على العذاب
على الحلال والحرام
على مصايب الزمن
وغدر الحباب والصحاب
مزال يكتب و يزمم
على داك الطفلة الزوينة
وقصتها مع الغرام
أنا كل نهار نشوف
حاجة من الحوايج الغراب
حتى مشى لية الشوف
وفات فيا الفوت
وضيعت طريق الجامع
ومعاها طريق المدرسة
رجعت جتة هامدة
كيف الميت فالتابوت
سوالت راسي فمن لا فوت
واش فيا ولا فداك الخوت
لي سرقو مني الشوف
باش ما نشوفش العجب
ولا نقرا داك الحروف
الزروقي جواد
المغرب
ليست هناك تعليقات:
إرسال تعليق