...............
خليفة الابنودي
أدهم السمهودي
................
قصيده بعنوان (حبك جنه من الجنان)
عارفه
انتي ايه بالنسبالي
مسأله حياه وموت
زي نبض القلب لو وقف ثواني
لو غبتي لحظه اموت
من يوم مشوفتك لخبطتي كياني
وروحي في روحك بتموت
انتي عمري لو كبر يصغر
وانتي طفلي في قلبي يكبر
وانتي روحي وانت عشقي
وانتي النفس
اللي بيه اشهق وازفر
حبيبتي
نفسي الاقي كلمه منها اكبر
انتي الحب اللي بيه اعيش
وانتي الضحكه ع الخدين
حياتي قبلك كانت طيش
وحبك عوض السنين
في قلبك عايش طفل
وفي حبك مخي قفل
وفي حضنك عشت الحنين
انتي الدنيا اللي عشتها
وانتي الفرحه اللي شفتها
وحبك اتكتب ع الجبين
حبيتك وحبيت روحي
اللي عشقتك بكل ظروفي
انتي البلسم لكل جروحي
وانتي البسمه ع الشفتين
ياه لو يعود بينا الزمان
لعيشه معاكي في الاحضان
واعوض العمر اللي كان
ضايع في طريق أوهام
شارد في طريقه حزين
بتعدي فيه شهور وأيام
مبيعرفش يعني ايه احلام
زي حكايه كان ياما كان
باقي حياته عيشها عليل
ولما شافك وحبك
حسيت ميت من زمان
ولما عاش حياته فى قربك
زاق من حضنك الحنان
وحس في أحضانك بالأمان
حبك جنه من الجنان
حبك ورده ف بستان
حبك نغمه في جيتار
حبك حلا طعم المرار
قبلك كنت مش عايش
ماشي في ظلام مش شايف
فاكر الحب كلمه ع الشفايف
نضحك بيها على بعضينا
وان الحب لعبه في ايدينا
ولما قبلتك
فجأه الحب عششعش فينا
وفي بعادك
سهرنا ليالينا
وفي قربك
الفرحه لامعه في عنينا
ولما تتشابك ايدينا
وعصافير الحب ترفرف فوقينا
يحيا النبض في قلبي تاني
واحسك عقلي وجناني
ولما نفترق
بالليل تيجي في منامي
اعيش معاكي أجمل أحلامي
ياريتك الليله في احضاني
شاعر العاميه
نبض الصعيد الجواني
خليفة الابنودي
أدهم السمهودي
ليست هناك تعليقات:
إرسال تعليق