................
سامح توكل أبوالسبح
..............
كش ملك
======
دنيا غريبه بمليون وش
تدي حصانه ف قلب العش
تفرد فيها قلوعك لكن
لحظه تخون تديلك كش
فيها نفوذ السلطه يشيلك
ويعليك جبروت بالفش
تتسرمح بخيولك دايس
في المخاليق وتعبي الكرش
فيها غرورك حابس لابس
وش نفاق مرفوع بالونش
نفس الونش ف لحظه يزيلك
ويخليك أنقاض بالعفش
ليه تتكبر ليه تتجبر
قبرك طوب وترابك فرش
ياما عروش بالظلم اتبادت
باتت قبر وصابه النبش
كرسي السلطه في لحظه بيتخر
فيه السوس وبينكش نكش
=========
بقلمى سامح توكل أبوالسبح
ليست هناك تعليقات:
إرسال تعليق