..................
الزروقي جواد
..............
🌹الخليل وسهير الليل🌹
خرجت تايه مصدوم
دالع فداك الليل
الدنيا خاوية مظلمة
ساكتة وعامرة خوف
ونا فيها مصدوم ومتلوف
فداك الليل تلقيت هبيل
مسكون عند الظلام
وعاشق سكات الليل
أنا نشوف وهو يشوف
كلها وعندو ظروف
غارق فشلا هموم
مشاغيل ومشاكل
قال لي أنا هجرني النوم
وتصاحبت مع سهير الليل
شي قول هدا حمق
شي قول هدا هبيل
وهاد شي كولو سبابو
مشاكل داك الخليل
وليت نمشي ونا نايم
وعلى عيوني غمايم
وعقلي على نوم صايم
نسيت حديت الوسادة
والايام الزوينة كيف العادة
ولفت بسهير الليل
ما عارف راسي
واش حمق ولا هبيل
ولا حب الخليل
لي بلاني بسهير الليل
🌹الزروقي جواد 🌹
المغرب
ليست هناك تعليقات:
إرسال تعليق