ديوان أكاليل الإلكتروني لسفراء القلم

 ..............

السيد عطيه

.............

أغنية بعدين وياك : كلمات الشاعر .. السيد عطيه

ألحان وعزف وغناء : خليل أبو فريد وارجو ان تنال اعجابكم

موال

******

ياللي لبست توب أكبر ومش قدك

دا كل شيء مكتوب ماتمشي على قدك

إحنا قلوبنا دهب لا صفيح ولا إحنا ازاز

وسوقنا هوه الأدب والحب تاج الماظ

بص في مراية الهوي والزم بقى حدك

---- ------

طب بعدين وياك ..

بتتحداني أنساك ..

مهما عمايلك تكتر

أديني بس أماره ..

من إمتى الهجر شطاره

والمر ياناس بقى سكر

طب أحلف قول بالذمه ..

وأمسك على طول ف الكلمه

واهو بكرا جاي ونشوف ..

مين ال يضحك ف الأخر ..

ومين اللي يقول مش قادر

عالبعد ويجي مكسوف

لو غيرك ف الدنيا مفيش ..

برضوا حكمل برضوا حعيش

وانا قلبي بيتحداك

كلمه ف سرك بقى صدقني ..

هتقول فكري كده غرقني

أيوه ياريتني كنت بعوم

قلبك يفضل يجرح فيك ..

ويبان ندمك كده ف عينيك

ويروح برضوا منها النوم

حصبر برضوا عليك أنا حبه ..

واللي تروح له كفته طبه

ويبقى قدر ونصيب مقسوم

وريني عجايبك مستنيك ..

ياأبو قلب غرامه هيوديك

لجرح ومر هواك