.................
صبري رسلان
..............
مطلوب عريس (239 )
...................
قاعده في أرابيزنا
لا جا عدالها ولا لقيا عريس على طول بسمعها وقول نفسي
ده نصيب ما جانيش
أيام جه خبط على بابنا
جد أبو رمسيس ..
إسم الله عليه مكنه بتزلط دي سنانه مافيش
كل نص الحلو وقال أصلي في الحلو مليش
كيستين أدويه جابها في أيده لايطب فطيس ..
ضغط وقولون قلب وسكر وحقن للدم لا يتعكر أقراص فوار
إهضم وأشكر
يا فكيك يا مغيث ..
سندينوا بخشبه عكازة برواز فيه عريس
حاسه إن أنا
هونت عليهم وبعوني رخيص ..
كان أولى إن أنا
أفضل عانس
لا مدام رمسيس
قسمتي في عريس
جاللي متحنط
ونظر شيش بيش
نص الأدوية جوا دولابي
ملا ضلفه نيش
خدني ممرضه قايمه ونايمه مكتوب وهعيش
لا نفع وياه لمسه وهمسه
قال أيه محسود ..
حد يواسيني يشيل عني
للصبر حدود
بقلم .. صبري رسلان
ليست هناك تعليقات:
إرسال تعليق