ديوان أكاليل الإلكتروني لسفراء القلم

................

محمد عبد النعيم

..............

أيامنا تلاتة ...

***********

أيامنا في عمرنا

وحياتنا في دنيتنا

من يوم ما تولدنا

تلاتة ....

يوم عشناه ...

ودقناه ...

وعرفناه ...

وراح مننا

وشايل لنا

شوية ذكريات

فرح...

وجرح ..

وضحكة

ودمعة...

وشوق وحنين

وأنين ووجع ..

وجد ودلع ..

ومش حيرجع

مهما افتكرناه

وتمنيناه....

تاني لينا

يرجع...

ويوم عايشينه

بكل ما فيه..

ودايقينه...

وخايفينه ...

لا يروح مننا ..

زي غيره

اللي عشناه ..

ودقناه ...

وراح من عمرنا

ويوم مستنينه

بشوق ولهفة

وخايفينه..

لا يكون

مش مكتوب

ولا محسوب

من عمرنا ...

فعيش

يا ابن آدم

يومك..

بكل مافيه...

وارمي همومك

تسعد بيه....

واستني بكره

بشوق ولهفة..

وشمعة ووردة..

وغنوة وضحكة..

وأمل تلاقيه...

أن كان

محسوبلك...

ومن عمرك

مكتوبلك ...

أما اللي فات ..

فعدى وفات...

وشال ذكريات..

افتكر كل...

ذكري حلوة

كانت فيه ..

وهو العمر إيه

غير شوية

ذكريات ...

ومتنساس في

يومك ربك ...

وزيد له

في طاعتك..

وفي قربك ..

واستغفره على

ذنبك ..

في يومك

وفي أمسك

مهما كان ذنبك

فيه...

وأما بكره

اللي جي

في علمه

هُوَّ الحي

فمتعولش

همه ...

ولا تقل

دمه ...

ولا...

اللي جايلك فيه ..

ده كله بأمره..

أمسك ..

يومك ..

بكرة ..

بحلوه ..بمره

وارضي باللي

إتكتبلك فيه..

واللي حتاخده

منه...

محمد عبد النعيم

٢٠٢٠/٧/٢٩م