ديوان أكاليل الإلكتروني لسفراء القلم

...............

صبري رسلان

........

كان حب و مات ( 198)

...........................

وصيت القلب وحلفته

أياك لو جاك يوم كلمته

يكدب بدموعه وصدقته

تضعف جواك ..

يكفاك ما جرالك ياما شيلته

مديت له أيدك وقاسيمته

الهوى وياك ..

سابك في الوقت اللي إحتاجته

جانبك ولا جاك ..

خد وقتك شاغل أحلامك

يلعب بهواك ..

خلصت من قلبه الحنيه

وبقسوة رماك ..

ولا عاد يطمن أيه صابنا

وفى لحظه نساك ..

بتشاور نفسك ترجع له

وأخريتها معاك ..

هتخاصم قلبك وعيونك

لو قولت أهواك

وأخترت بأيدك تتعذب

هتروح لقساك ..

فكرك دي النار طفيت تاني

هتحرق جواك ..

ويبان القلب اللي وجعنا

ولا عمره هواك ..

هتفضل موهوم كده بكلامه

وتقول ده ملاك ..

أسمع لنصيحتي المرة دي

قول قلبي نساك ..

ولا عاد نتأثر بحكاوي

وخداع فى هواك

ما كسرت في قلبي وذليتني

وبقول ريداك ..

مش هغصب قلبي المرة دي

كان حب و مات

بقلم .. صبري رسلان