..............
رياض رحيم المظلوم
.................
يماي التشرب منه كل دواب الكون
على السبط انمنع يا بشر يرضاهه
إلا بيه خلل مو طاهر المولد
لون يبغض محمد وامته والواهه
ابعاشر محرم تدري طف اشبيه
الضمه والمنذبح جده النبي طه
وامه فاطمة سيدة نساء الكون
وابوه المرتضى البالعدل ساواهه
ابيض وي اسود مولى ومولاه
بالإسلام حكمه علي خاواهه
چا ابن الدعي اشسوه بيهم يوم
طلعت هالجيوش حسين لاواهه
لائه والاباء اتوازن الكونين
من مالت عدلهه الأبي سواهه
ملحمة الخلد واعداه شهدت ليه
على الظالم گلبهه الدنيه داواهه
عليلة راي ما تمشي اعله سچة زين
تصف وي النذل والنفل چواهه
يوميه عرش للجور گام ايطيح
لحد ما يظهر المهدي ابثنواهه
هذاك اليوم ياخذ ثار أبو السجاد
فنه التشذ خطواته بنواهه
يجي دين وجديد ويحكم الإسلام
ولا حزب اليظل لبليس يعواهه
ها الكل اتشارك دولة عدل وتبني انسان
رياض رحيم المظلوم
محرم ١٤٤٢
29/8/2020
ليست هناك تعليقات:
إرسال تعليق