.............
أدهم السمهودي
..........
قصيده بعنوان(جرا ايه يا سيادنا)
أباي عاد
بيتحكموا فينا ولاد
قال عايزين مندخلش رمسيس
واحنا ارض التهميش
ومتتكلمش على الصعيد بالذات
الصعيد مؤسس حضاره
هو الدوله هو الإماره
هو الأرض هو الزراعه
هو البيت هو العماره
ياك فاكر الصعيد على مفيش
ناقصه تعملولنا جوازات
وندخلوا بلادنا بطائرات
دانتوا ساكنين عندنا بايجارات
وانت فين يا رئيس
مش كفايه فينا تطنيش
خلونا معاكم نعيش
من انجازاتكم صبحنا على مفيش
همشتونا
وهجرتونا
واهملتونا
ومتعرفوناش غير في الجيش
نحميكم على الحدود
وعشانكم يا خوي بنموت
كل شويه يطلعنا هلفوت
طاب ملعون ابو اللي جابنا
اللي ضيعوا حقوق ولادنا
مفكروا يرجعوها
ولا مجبوهاش نوابنا
هو انت نسيت يا بيه
نسيت طيبه ولا ايه
نسيت ياك مينا
دا لسه الهيبه فينا
الصعيد تيجي عليه
دا انتوا كنتوا تابعين لينا
وبالايجارات ساكنين عندينا
وان كان منصبك يحميك
عمرك متتحكم فينا
والا عال يا بلد
الصعيدي من يوم م اتولد
مخرب في بلاده
ولا حتى في يوم حرق
جاي دلوقتي تعزلوه
تفرقوا الأخ من اخوه
ومن املاكه تحرموه
جرا ايه يا سيادنا
هتحرمونا من بلادنا
اللي عمرناها بأيدينا
واللي شيلناها على اكتافنا
دا لسه فيها ريحتنا
واسامينا مكتوبه على بيتنا
وترابها مروى بدم ولادنا
حد فيكم يقوله حاص
ويبعد عن الكلام الهقاص
متخربش بيدينا بلادنا
بعد موقفت خلاص
متهدش البنا
اللي احنا فيه اساس
بلادنا امانه في ايدينا
ياما شيلناها على الراس
متجيش بزلفه لسان
كل حاجه تعود كما كان
وهنقبل اسفك لو اتاسفت
او تقدم مبرر لو سمحت
علشان منخليش العالي تحت
رد قبل فوات الأوان
رد قبل فوات الأوان
شاعر العاميه
نبض الصعيد الجولاني
خليفه الابنودي
أدهم السمهودي
ليست هناك تعليقات:
إرسال تعليق