................
نبيل عبد الحليم
.............
(غريب الدار)
ياغربة وصفك بعد
ونيل اللقاء أشواق
وكل يوم فى البعد
عمال يزيد فى فراق
كل اللى هامة هناك
تزيد معاة أوراق
فاكر هناك الغنى
ربك بإيدة ألأرزاق
للحب ناس بتضحي
والمال لة عشاق
لو ألأموال بتنسي
ما تمحي دموع مشتاق
أمل الغنى بقى سلطة
وسيف القدر سباق
كلها بملح فى بلدك
نفس الوطن ترياق
مر الحبايب شهد
وشهد البعاد حراق
بحر بلدك يشيلك
ونهر البلاد غراق
فى الغربةالكل سيدك
دا لو ضميرك فاق
سما الغربة غيوم
قمرها عمرة ما راق
عزايا لشهيدك ياغربة
م القلب م الأعماق
والحزن علية يطول
والدمعة فى الأحداق
نبيل عبد الحليم
٢٩/٨/٢٠٢٠
ليست هناك تعليقات:
إرسال تعليق