................
..............
ياللي نسيت الموّال
ف الغُربة وف الترحال
أرجع بالعُمر شوية
للحب وللحنية
بالفكر لراحة البال
ياللي نسيت الموّال
ف الغُربة و ف الترحال
أرجع للماضي حبيبك
ماتسيبش العُمر يسيبك
ياغريب والحب قريبك
كان يوم لك عم وخال
ياللي نسيت الموال
ف الغُربة و ف الترحال
أسمع للقلب ف نبضه
وأرجع لجناين سعده
ماتسيبش القلب لوحده
حيران مشغول البال
ياللي نسيت الموّال
ف الغُربة و ف الترحال
سيبك م المجهول سيبك
أدّفى بحضن حبيبك
ده الشوق والحب نصيبك
مهما تسوء الأحوال
ياللي نسيت الموّال
ف الغُربة و ف الترحال
أتغطى برمش عينية
و أدّفى بلمس أيديا
ماتسيب الفَرح عليا
والرزق اّهو قد الحال
ياللي نسيت الموال
ف الغُربة و ف الترحال .
ليست هناك تعليقات:
إرسال تعليق