............
محمد عباس الاسماعيلية مصر
............
.خواطر بعنوان ( 
الزمن الجميل )
الزمن الجميل )
من امته كان في حياتي عاش
عاش الم بقي ذكريات
ياما عذبني بآهات
اوعي تيجي تقول لى مات
امحي الالم امحي السكات
زيل علامات الحاجات
ارفع الحزن اللي عشش
جوا مرار الذكريات
ابعد الحضن اللي تلج
في النواح وبالساعات
رجع القلب اللي بيبادلك آهات
رجع الحب اللي محتاج لك ساعات
ساعتها تعالي قولي مات
هحزن شوية وهفتكر الحاجات.
لما كنت مريض ومحتاج للسكات.
لما كنت حزين وبنتظر الساعات
دنيا ممزوجه باهات
واللي عدى فى عمرى فات
كاس وداير من سكات
مليان بكي وجروح واهات
اوعي تيجي تقول لي مات
بص لاي حد مات
اد ايه الحزن عشش بالساعات
الكل عايز ومتتظر الغايات
اللي نفسه يورث شوية مشغولات
واللي متعلق بكراكيب الذكريات.
والقيم فى حياتنا ماتت
والاصول فى حياتنا بارت .
كله فرحان بشوية حاجات
في ثانيه تبيع اللى عايش
واللي مات
وبننسي مواقفنا الجميلة
لما كنا اسرة وعيلة
ويجمعنا عيد ومناسبة اصيلة
وفانوس رمضان ولمة العيلة
راح فين الزمن الجميل.
اوعي تيجي تقول لي مات .
بقلم محمد عباس الاسماعيلية مصر
ليست هناك تعليقات:
إرسال تعليق