ديوان أكاليل الإلكتروني لسفراء القلم

............

مصطفى الزيات.

............

من كتاباتي القديمة ( نثر)

نصائح القديسه

إيه ياعم مالك...

جي دلوقتي...تبكي علي حالك...

علشان انت طيب.....

تستاهل اللي يجرالك....

لازم يامسكين علشان تعيش ..

متقولش يوم أبدا ...مليش...

وتكون تعبان.....زيك مفيش...

تبتسم لحظة ما تلدغ اللي قدامك....

لازم تكون حرباية عجوز...

لا تتألم ولا تضرب بوز...

لو قلت آه ...تكون منبوذ...

تلاقي أهاتك هي اللي عيشالك....

لازم تكون تعلب خطير....

تخدع بمكرك الطراطير..

تطعنهم بقوه بمكان خطير....

يومها نقول هنيالك...

لازم تكون ديب ألعبان..

إغتال وأضحك فى هزيان...

دمّر أسر ..وأضحك كمان...

ساعتها تنول اللي ف بالك...

خليك تلميذ عمك شارون...

ردد خداع شعارات نيرون...

إرسم دموع المقهورون....

ساعتها تقولي عقبالك....

إوعاك ترجع زي زمان..

وتعيشللي فى دور الأنسان...

مبقاش له خلاص فى الدنيا مكان....

ده زمن الوحوش اللي قبالك...

إقتل كرامتك دي بسكين...

إغرس جبينك ده فى الطين....

بيع روح بقرش حتي لمين...

دي نصيحتي وورثها عيالك.

تمت.

بقلمي / مصطفى الزيات.