............
محمدأبوالحسن
............
الغربه مره
بقلم:محمدأبوالحسن
***********
إللى داق الغربه
هو إللى يعرف عذابها
هو اللى جرب دنيا تانيه
غير الدنيا اللى غصبٍ
عنه سابها
هو اللى اتكوى بنارها
وكان ليله فيهاأصعب
من نهارها
هواللى فارق أهله
وحبايبه
والأرض اللى هو نبته
منها
واللى معجون من ترابها
والحبيبه اللى كان
خطبها
وهى لسه سنيوره فى
شبابها
وياعالم لما يرجع
هيلاقيها إتعلقت بحد
غيره
ولالسه شاريه بس
شابت
من إنتظاره واللى نابها
واللى ساب أهله وناسه
وأرضه اللى خضرها
بفاسه
واللى باع فيها فرشه
أو نحاسه
ومالحقش يدوق ثمرها
وذكرياته وأمنياته واللى
فاته من حياته
قبل مايسافر دفنها
كل دا وحاجات كتير
قبل مايفارق ركنها
مش عارف هيفارق
ويبعد قد إيه
ولمايرجع هتبقى الدنيا
عامله إيه
واللى هو متغرب عشانه
ياترى فعلا هيلاقيه
والتمن هيبقى إيه
الغربه مره
والكل بيدفع تمنها
................
الغربه لسه فيها عندى
كلام كتير
واسألوا اللى سافر
وإشتغل عندثرى أوأمير
والإهانه اللى شافها
منهم
كأنه عبد أو أجير
وطلعت عُقد النقص
إللى فيهم
عاللى هو أغلى منهم
بس حظهُ إنه فقير
حب ياكلها بالحلال
وان شال على اكتافه
جبال
ومهما كان شغله عسير
بس بيعتز بكرامته
وبرجولته وشهامته
ليه تهينه أو تقل قيمته
دا بنى آدم زيو زيك
لازم تحفظ له مكانته
دانت لو فى بلده زرته
هيشيلك على راسه
شيل
وم السعاده ممكن يطير
وينشغل بيك كل وقته
الغريب عندك أمانه
بلاش تعامله بالإهانه
وأديله حقه بأمانه
واوعى تتغر بمالك
أوبجاهك
بكره الدنيا تردهالك
مفيش عليها أبداً كبير
إكرم الإيد اللى جايه
لحد عندك تخدمك أواللى جاى يعمرلك فى
أرضك
واللى جاي يداويك
ويعلمك
دول أصحاب فضل
عليك
كلهم جايين لعندك
عشان يخدوا بإيديك
مش جايين يشحتوا
ولا يترازلوا عليك
دول ناس سابوا اللى
ليهم
إتقى ربنا فيهم
قبل ماتزول النعمه منك
وييجى الدور عليك
محمدأبو الحسن
ليست هناك تعليقات:
إرسال تعليق