.............
/فتحى نجم المنصورة
..............
إلي أستاذي الشاعر الكبير صاحب المدد عمنا إبراهيم رضوان
**************************
( 1 )
تسمح لي أشرب شاي
في حضرتك يا أديب
تلميذ وعاشق الناي
من حرفكم بيطيب
**************************
( 2 )
ياعمنا .. الفنان
إبداعك لف الكون
علمتنا .. البيان
وازاي نجيب الجون
**************************
( 3 )
لفينا ......... وفتشنا
وع القهاوي كمان
مالقينا في نفوسنا
غير عمنا رضوان
**************************
( 4 )
إزاي تغيب عننا
والعين ماشيفه إلاك
اسمحلي ياعمنا
أرصد بقلبي هواك
**************************
( 5 )
عم إبراهيم ياغاوي
لون الدهب حرفك
أنا والله منا شاري
غير حروف إسمك
**************************
( 6 )
يازينة الأخيار
يا بني ومناول
وكمان عمود الدار
في الشعر ومقاول
**************************
بقلم /فتحى نجم المنصورة
يوليو 2020
ليست هناك تعليقات:
إرسال تعليق