................
..............
طبيب الغلابة
لمّا نحكي ع الطيابة
بامسح الدمعة بشالي
وانعي للناس الغلابة
عمنا الدكتور مشالي
صاحب الوجه الصبوح
ياما داوى كتير جروح
من قلوب معهاش تبوح
واللي زيّه لم يبالي
اللي علّمنا ان مهنة
تنقذ الأنسان ف محنة
وأن أصل المهنة معنى
مش بشكلي وكُتر مالي
وان حب الناس ده غاية
وأنه شغّال للنهاية
بس أصله م البداية
قلبه ده أحساسه عالي
لمّا قال من بُقه حكمة
أن أصل الطب رحمة
لو تسيب ف القلب بسمة
هو ده الشىء اللي غالي
مش فيزيتا بميت جنيه
طب واجيب منين يابيه
ده الفقير لو تدرى بيه
مابيشفهوش طب وانا مالي
عمنا الدكتور مشالي
لمّا م الدنيا انتهيت
جِه ف عقلي سؤال عبيط
هي الملايكة كمان تموت
ولّا بتعيش ف العلالي .
شعر ..
ليست هناك تعليقات:
إرسال تعليق