..........
رياض رحيم المظلوم
.........
شعبي عراقي
«يا عيد مر بالله الخلف»
يا عيد هيجت الحزن عود انت التهيج الفرح
ذبلان خاطر منجرح لن گلبه بالشوگ انجرح
هليت يالتنشد على غالي ابغيابه انطرح
مليت أنا امن الهجر
يا عيد مصباحك صبح
الناس امعيده ابهلا بس أنا عيدي چن شبح
يا عيد اشعندك تمر عالفكره باحزانه سرح
چم أوف بونيني طلع والشيب برموشي صرح
وك أوف اشتل بالعمر بس يشتل ابنبضه فلح
گلبي يگلبي اشمرمرك الواشي چم مره نبح
والآه هم مرهه الصبح بجفاه مصباحي اشربح
من ذاك مصباح الهجر دلالي ابشوگه وضح
إيلوج يثغب ينتحب لو طير چا هم وجنح
الروح بس تنطر متى چن سيف اهلالك جرح
مذبوح وصفوني الأهل بدماي كل جسمي سبح
بهلال ما ظن خاطري تلفيه بافراح ومرح
يا عيد مر باالله الخلف احزاني من شامت ردح
رياض رحيم المظلوم
ذو الحجة ١٤٤١
29/7/2020
ليست هناك تعليقات:
إرسال تعليق