................
السيد عطيه
............
أنتوا مين
***
أنتوا مين أنتوا مين
ملايكه وللا ياناس شياطين
كلام معسول
طالع من غول
وتشوفه تقول
إنسان مسكين
أنتوا مين انتوا مين
****
يفضل ينصح فينا تملي
ويقول زكي ياأبني وصلي
ينهب فينا في بيته يعلي
بعد دا كله نقوله آمين
أنتوا مين أنتوا مين
***
عمره ماحس بحاجة حد
يهرب منا ساعة الجد
وأبقى قابلني لو جه و رد
لو ف الخير يدفع قرشين
أنتوا مين أنتوا مين
***
كلمات الشاعر / السيد عطيه
مصر
ليست هناك تعليقات:
إرسال تعليق