ديوان أكاليل الإلكتروني لسفراء القلم

 .....................

محمد سيوفى

...................

( بطل الأبطال )

عجبى على رايق متدلع

بطل الأبطال ..

تحلف بحياتك ولا شوفتش

فى جماله جمال ..

الناس تتمنى تقربلوا

ويعطف بوصال ..

تتمنى بإسمه تندهله

ولو صدفه يا خال ..

ومافيش في لسانهم غير سيرته

ومعاها سؤال ..

ليه لما بيمشى ويعدى

بيحصل زلزال ..

الأرض بترقص م الفرحه

وعقول الناس تفضل سارحه

وإنت ومنديلك والطرحه

ولا هنا ع البال ..

فرسان خياله أما شافوكى

إتفتنوا بسحرك حبوكى

راحوا جرى لعمك ول ابوكى

طالبين لحلال ..

لكن إنت بترفض بالغالى

ويقولوا ده طالع في العالى

أومال لو عاشق على حالى

يروح فين يا غزال ..

ده أنا كل إللى معايا حنين

وحبة أشواق ليها سنين

محطوطه ف قلبي المسكين

من غير دهبايه وأموال ..

لو ترضا بعاشق ولهان

تتبدل كل الأحزان

وتكون على قلبه سلطان

وتحقق احلام وآمال ..

محمد سيوفى