......................
ادهم السمهودي
...................
قصيده بعنوان ( انتش واجري )
حظنا من يومنا قليّل
دايما علينا يميّل
كل م ننسي همومنا
طول عمري فاكرها شطاره
نسيت انها غداره
من صغري بعرق واكافح
وعايش ع جبنه وخياره
قال ايه ببني نفسي
وماسك علي فلوسي وقرشي
فاكرها شقا وكفاح
طلعت انتش واجري
اتاري العيشه ترند
تتصور مع أي بنت
فيس ولا توك توك
او حتي اي نت
راح زمن الفاس
والشقا ف اراضي الناس
واندفن ف ايامنا العلم
ومات زويل وفرناس
يدوب هذه وسط
تتحول في لحظه بت
تقدم روتين يومي
تتعري يد ورجل
المعايش طبله واغنيه
فجأه تعدي العالميه
أرمي منجلك وفاسك
ووداع لصحيه الفجريه
اتاري حظنا فقري
شقانا بيبدأ بدري
ياريت غنيت شيماء
أو حتي انتش واجري
تاريني عايش غفلان
فاكر الفن عار
اه لو قولت الحب كله
ولا غنيت بنت الجيران
وتفيد بأيه يا ندم
م خلاص دفعنا التمن
والعمر مش بيعود
ولا حتي بيرجع زمن
وهي دي حكايتنا
حكايه كان ياما كان
حكايه كل جيلنا
ضاع ويا الزمان
شاعر العاميه
نبض الصعيد الجواني
خليفه الابنودي
ادهم السمهودي
ليست هناك تعليقات:
إرسال تعليق