.....................
وحيد محروس خليل
................
مغلوب على أمري
الفرح ف حياتي
ساعات معدودة
وعمر السعادة
ماكانت موجودة
حتى الأيام
رمادي وسودة
والدنيا ف حالي
مش سيباني
ليه حياتي أنا
غير الكل
والناس حياتها
ورد وفل
نفسي ف مرة
الفرح يطل
وأعيش ودنيتي
مش سيعاني
كتاب حياتي
مليان بجراح
والناس عيشاها
سداح في مداح
نفسي مرة
في يوم أرتاح
ليه يادنيا دايماً
ظلماني
مجروح ومليان
مليون عِلة
والشكوى لغير
الله مذلة
حتى الزمان
ليا ما خلى
حتى إللي مني
باعني رماني
على حكمك يارب
مافي إعتراض
الناس سعيدة
وأنا عايشها حداد
ماهو حظ
ومادد للأحفاد
آسرني وبيزلزل
في كياني
خلاص يازماني
وتوتة توتة
خلصت وأنتهت
الحدووووتة
والفرحة ف حياتي
بقى مشروطة
ولا كان في يوم دا
في حُسباني
وأهي عيشة
وأيام بتعدي
بتحرم ناس
ولناس تدي
ولا عارفين
على فين ها تودي
ولا يمكن يفاجئني
زماني
مغلوب على أمري
أغنية شعبية حزينة
شعر/ وحيد محروس خليل
ليست هناك تعليقات:
إرسال تعليق