.............
نجوى رسلان
...........
طَلِّيتي يا امَّه
طَلِّيتي يا امَّه من الشباك
حَسِيت دفا جَي هناك
ويّا ابتسامة
من غير مَلامة
طمنتِ قلبي
لما دق لحالي رق
بَص لعينيكِ
اشتاق وداب
طَليتي يا امَّه من الشباك
تطمني ضناكِ لسه في المعيشة
ولا دنيا فيها يجري واهي عيشة
رجوعه ليكِ فيه حياة
ينسى معاه
جروح وأسوة
مهما كانت
في حضن قلبك
لِيه نجاة
طلِّيتي يا امَّه من الشباك
مهما غِبتي عن عيوني
تلاقيني فاكر
ليك واقفة تطمني
وتقولي قلبي ليَّ عاد
وفي كل مرة
راجع إليكِ من غير معاد
لكني عارف
سندي واقف
يضم حزني ويقولي يا ابني
الله معاك
وخيره زاد
أحلى دعوة
وبعدها تفتح يا دنيا
كل باب
طليتي يا امه من الشباك
بقلمي د/نجوى رسلان
ليست هناك تعليقات:
إرسال تعليق