...............
على عبدالرحيم محمد
...............
سماره
٠٠٠٠٠٠٠٠٠٠
سماره ياسماره
عن عشقك اديني اماره
ومن بحرك حلي المراره
ليه قلبك كل دقه ف حاله
همسه ريداني ودقه عشقاني
ونظره بيعاني وابعد بتعاني
وعايشه الملامح المحرومه
ليه يابنت النوبه
توبه احن تاني والف توبه
أصدق كلام نظرتك
وقمر الليل كحلتك
وسلام كفوف لمستك
ليه شايفاني غربتك
ليه معنداني سكتك
وابعد بتعاني دقتك
وهمستك بتقول مظلومه
يابنت النوبه
توبه والف توبه
ف نظرة عنيك جنه وعذاب
ونهار وليل ومطر وضباب
وسمار جميل وشوق كداب
يابنت النوبه
ايش جاب ل جاب
حزن الوحده ل حضن الاحباب
وجع المحنه ل فضفضة العتاب
ليش غاويه غنى الاغراب
وناسيه ليه عتاب الاحباب
وعايشه الملامح المغلوبه
توبه اه والف توبه
يابنت النوبه
يا اللي غازله ضفايرك من ليلي
يا اللي زارعه سحرك ل وليلي
و متكحله من شجن مواويلي
لسه دمعتك ساكنه منديلي
ليه نظرتك مره تحكي لي
ومره تشكي لي ولامره تغني لي
ليه قلبك كل دقه ف حاله
عن عشقك اديني اماره
ياسما ره ياسماره
بقلم على عبدالرحيم محمد
ليست هناك تعليقات:
إرسال تعليق