................
زينب سليم أحمد
...............
(((( أيوه كرهتك ))))
___________________
أيوه صحيح وبجد كرهتك
ولايوم عاوزة انا أسمع سيرتك
كتر القسوة دي قَوِت قلبي
وبقيت بفرح والله لحيرتك
بعد ما كنت أعز عزاز
وقلبى لحبك كان برواز
وزرع كل طريقك ورد
وانت بتبدر شوك وإزاز
هادعي عليك وتجرب ناري
وتدوق حيرتي ويا مراري
بكرة الدنيا تدور وهتعرف
ازاى ربنا خدلي بتاري
بكرة هاييجي عليك الدور
مهمن كنت قوي ومغرور
تحلم نرجع زي زمان
وتلاقي خاطرك بات مكسور
لو هاتدين الناس هاتدينك
مهما تزيد فى العمر سنينك
حتى ان يوم قدمت الخير
تلقى قلوبهم مش عاوزينك
أصل الدنيا ياواد دوارة
حتى ان كنت فاكرها شطارة
مهما تلف معاها وتدور
بكره تدوسك ماهى غدارة
_______________________
بقلم / زينب سليم أحمد
ليست هناك تعليقات:
إرسال تعليق