.............
عبدالرسول كريم يس
.................
(خواطر مكسوره)
لقيتو متكتف والصحه مش ولا بد
و ف عز الشباب لا عجوز ولا جد
لفلفوه بالشال والزعبوط والطاقيه
وبقي زي الوليه والجسم منه اتهد
عرضوه علي الحكيم وكشفلهم حالو
بكلمه سمعهالو سدت ف الودان سد
قال جسمو دسليم وعضامه سالستيل
والدمع عايز فتيل يمنع نزوله الخد
وباين من الاشعه الكسر في الخاطر
وعلاجك يا شاطر بلاش تمد اليد
ولملم بواقي الكرامه وحافظ علي توبك
والرزق ليك يدوبك متفصل علي الكد
واربط علي سرك وزيد كمان الربط
وقبل يوم السبت إعمل حساب الحد
**********
المستشار / عبدالرسول كريم يس
ليست هناك تعليقات:
إرسال تعليق