ديوان أكاليل الإلكتروني لسفراء القلم

 ...................

إدريس بندار. 

............

كلام البوهالي؟؟؟؟ °°°°°°°°°°°°°°°°°°

(1)

لَحلالْ مِيثَاقْ ﻓﻌﭡﯖ

المِاَلَكْ وَالرَّبَّاعْ...

يْزِيدْ فَلْخِيرْ قْيرَاطْ

وَيْحَوَّلْ ضِيقْ الْحَالْ تِيسَاعْ ...

الدُّنْيَا خَدَّاعَة

واللِّي يْتِيقْ بِيهَا طَمَّاعْ ...

السْفِيهْ تَغْوِيهْ بَلْطَافَتْهَا

وَالعَاقَلْ يَرْمِيهَا بْمَقْلاَعْ ...

أَنَا مَا ﻧْﮕُولْ زْمَانِي مَفُجُوعْ

... وَلاَّ الْخِيرْ حَاتَلْ ﻓَﻟْﮕَاعْ

غِيرُ وكَانْ...

مْرَوَّتْ بْنَادَمْ وَلاَّتْ رْقَاعْ ...

... مَا يَرْضَى يَلْبَسْهَا لاَ فَقِيرْ

وَلاَّ اللِّي مْحَزَّمْ بْشَلاَّ مْتَاعْ

(2)

وسط الزحمة تضيع لقـــــلام

تكتب شلا حروف وكــــــلام

واحد يكتب بالطلقة لرفاقــــو

واحد يكتب عالوردة ولحمام

واحد يغوي باللطافة عـشاقو

واحد يلعق بكلامو لقـــــــدام

واحد يفضح لكلام انـــــــفاقو

واحد نفاقو كلو كــــــــــــلام..

واحد فالحركة يتفضح سباقو

واحد يهرب لو عود ولــجام.

لكلام جا في اللوح ســــــياقو

عند الرحمان يتلاقاو اعــلام..

اللي قلبوصفا واوراقـــــــــو

وعبد الله وصدق الامـــــــام

يختم الله بالخير اسواقــــــــو

ويفتح قدامو بواب الانـــعام.

إدريس بندار. *