..................
ابراهيم رمضان
.................
قصيدة بحلم اشوفك للشاعر ابراهيم رمضان
مطر وانتي الحقيقه والقدر
من غير زمان من غير مكان
بحلم اشوفك في البصر
وبرمش عيني اخاف عليه
ونده عليه وهوه جنبي
وقول داويني ياحته مني
دا لو بعدت تنزل دموعي
كيف المطر
وحس كأن الدنيا رعد
وخوف مليان سكات
من جوه منه تلمح الآهات
لمسة ايديكي هي الحنان
نظرة عنيكي هي الأمان
وحضنك الدافي سكن
وجميع ما فيكي
وطن
فمتبعديش علشان اعيش
يسبقني شوقى ويشتكي
من غيرك انتي معرفش
اعيش
والزرع الأخضر اشوفه هيش
فمتبعديش
غيرك مليش
انتي اللي ملكت روحي
وبنظره منك تسحريه
فعشان أعيش
حتما ولازما ترحميه
وتكلميه
تاخديه معاكي للنجوم
يسبح في بحر عشقك
ينسى انه كان في يوم
محروم
يكتب قصايد جوه منها
شوق ويا الحنين
ينسى الأنين
وشوك نزل عليه المطر
علشان يكون صبار
يسكن الحلق اللي عاشق
همستك
وياما تاهت سكتك
حس إبمرار
وانا لسه كنت في أول المشوار
بخطي
وعافر سكوتي
وغطي خوفي بالآلام
يبعد النوم عن عنيه
فأشتكيه
الناس تقول حرام عليه
الواد دا راح من حبه فيه
فعشان معدش وزيد
ارحمي حلمي الوليد
ومتبعديش
ليست هناك تعليقات:
إرسال تعليق