.............
/ زينب سليم أحمد
..............
.((( إخدع ضميرك )))
===============
إوصف هوانا بإنه ذنب
وبإنه عمره ماكنش حب
وبإنه غلطة وإنه طيش
حلم اتبنى وأصبح مفيش
ومحاااالة يسعد أي قلب
شيلتني ... كل الذنوب
وان انت خالي من العيوب
برر لروحك أي شييء
واحلف كمان انك بريء
واعمل ملاك وقول هاتوب
اخدع ضميرك بالدموع
واقطع كمان خط الرجوع
والبس عِمامة وألف ووش
عشان تداري كل غش
واضحك عليا بالخشوع
ارسم على وشك ندم
صحي ضميرك م العدم
وقولي نادم ع اللي فات
وامسح شريط الذكريات
وقول على حبي انهدم
مثل كمان واعمل شهيد
احقن لى غشك فى الوريد
انا مش هاصدق لو دقيقة
إن هواك كان يوم حقيقة
دانا قلبي من غيرك سعيد
==================
بقلم/ زينب سليم أحمد
ليست هناك تعليقات:
إرسال تعليق