................
الادريسي محمد
..................
تحية بالمحبة عامرة
لجميع الاحباب.... حدود التيه....
كيفاش جا عشقي فالغوت
وعلاش نصَيِّح بالمعاندة
صياحْ يقطع حبال الصوت
ما يفيق النفس الراگدة
شكون راح بالريح لهيه
وشكون رمانا فسوق المزايدة
حتى فتنا حدود التيه
وتهنا وسط الوعود الهامدة
ما جابت فايدة تحميك و تحميه
ما جابت خبار ع لولاد الحارگة
واش نجاو من موج الموت
واش وصلو ولا كلاهم الحوت
مصاب تهدى لرياح العاصفة
تجري بالمحبة تبخ تسوط
تقرب لحباب و الناس المباعدة
وتبعد علينا هادوك الرهوط
ما بقات الخاطر عليهم گادة
ما بقى يتباع حلق الصوت
06 09 2021 الاثنين
الادريسي محمد
ليست هناك تعليقات:
إرسال تعليق