...............
ابو نادر محمد بن عطاف
................
( ومن الوشاة ما أدمي القلوب )
ويح الذي يسمع الواشي وأذنابه
وباع من كان له اخٍ وعز اصحاب
لابد من يوم يقرع فيه ابوابه
ويجرعه هذه الجرعة وصك الباب
ساعتها الموت اهون له لما صابه
بسهم غدار آمن له وسهمه صاب
عقله وفكره واهدر كل اتعابه
واسقط اسمه من الشهرة بدون اتعاب
فيه انتهك حرمة المنبر ومحرابه
وصار لا خير في منبر بلا محراب
وحين يغرق به المركب ونوابه
معاد ينفع جرس إنذار أو نواب
ولعاد ينفع ندم من بعد اعطابه
ولا يرجع كرامة من بظنه خاب
من باع صك المخوة والندم نابه
يصبر على ما جرى في زمن عياب
الاخ من عاهدك بالله وكتابه
لن يخذلك أو يبيعك يوم للأغراب
حتى إذا ما انت من اهله وانسابه
خاواك بالله وصرت العرض والأنساب
أخاً حقيقي وفي رب السماء جابه
لك في اشد المحن كل ما دعيته جاب
لاهو خاين ... ولا غدار تهتابه
ولا يمثل عليك تمثيل وهو نصاب
خذها نصيحة ولو هميت كذابه
الوقت يكشف لك الصادق من الكذاب
وحينها الذي اظنونك بهِ خابة
تشعر بظلمه وتتأسف على الاسباب
هذاء خطابي وكم بالفيس خطَّابة
خطاب من قلب صادق وافيٍّ تواب
مع تحيات الشاعر ابو نادر محمد بن عطاف
ليست هناك تعليقات:
إرسال تعليق