...................
عبالحميد سالم
.................
( طلب حضور ) م/عبالحميد سالم
يا مية خسارة ع اللى ربى
واللى كبر واللى علم
واللى عاش عمره يلملم
جار زمانه عليه وعلم
وم المحكمة جاله محضر
إمضيلى يا حج بالاستلام
وف الميعاد ضرورى تحضر
خير يابنى انا راجل ف حالى
عمر م يوم حد اشتكانى
راجع العنوان بالله عليك
لأ يا حج ده عنوانك بالتمام
واللى رافعين القضية ولادك
طالبين حكم بالحجر عليك
وف يوم جلسة القضية
صاحبنا مكنش م الحضور
والقاضى طبقا للمادة حكم
لأولاده بالتصرف ف الأمور
رجعوا وهما فى غاية السرور
لقوا قدام بيتهم صوان ونور
أبوهم مات وجنبه وصية
محدش منكم يمشى ف جنازتى
ولا بوم يزورنى على القبور
وان كان على ألدنيا خدوها
واستنوا إعلان على يد محضر
يطالبكم بضرورة الحضور
ليست هناك تعليقات:
إرسال تعليق