ديوان أكاليل الإلكتروني لسفراء القلم

 .............

محمد البراقي

.............

ْ"لَحْمَامْ"

يا اسيادي

يا شيوخ لَكْلاَمْ

مَزِّينْ لكلامْ

يْكُونْ مْتُونْ ؤُقْوَافِي

وَانْظَامْ

ما يْكُونْ فيه اخْصَامْ....

كاين شي ناس منهم عرام

داوين غير على لَحْمَامْ

مشافو لحمام اسبق احكم

اثْمَنْيَة وْعَشْرِينْ عَامْ

من ليام!

يا اسيادي

الظلم حرام

الماشي ف طريقو

ماشي ف الظلام

من الأحسن اتسكتو

ديرو لفماكم لْجَامْ

را احنا عارفين الَّلگِّينْ

من الْعَلاَّمْ!!

يا اسيادي

يا شيوخ لكلام

ما عندنا كَسَرْ فْ أَيِّ كَانْ

خاص غير للي يشوف

جهة لخيام

بغينا لبلاد تزيد الْگُدَّامْ

حبها راه ساكن لَعْظَامْ:

19/9/2021

بقلم محمد البراقي