....................
محمد عباس
.................
خواطر بعنوان : ( الحلم الجميل )
بقلم محمد عباس
الاسماعيليه . مصر
وداع بوداع وبنفارق
وسايب جرح مش رايق
وحلم عنيد ولافارق
وليل ونهار بنضايق
وامس ويوم بنتسابق
نعكر صفونا فى اوهام
عتاب وحسد ولابنام
مابين ماضى وشر سهام
نفوس بتدوس على الذكرى
ولاتراعى امل بكرة
وحلم جميل هيتحقق
فى صبر حليم ولاتدقق
لاانا فاضى ولاراضى
ولااحلم اكون قاضى
كلام وكلام وع الماضى
مابين اعداء وكاس فاضى
بلاش تدارا فى سكوتك
واعلن للجميع صوتك
خايف من نقص فى قوتك
وقطر العمر هيفوتك
قدر مكتوب وبالثانيه
وليل ونهار ودى الدنيا
ظالم مظلوم ماهى فانيه
كتاب مختوم نفوس بانيه
اخد حقه من الدنيا
مصير محتوم صروح بانيه
قضاء مقسوم دموع غاليه
مرض وهموم حاجات تانيه
ده توب بالى ولاتوبك
وصوت عالى ولاصوتك
ويجى العيد بنى عودك
وفرح العاشقين صوتك
قوم ودع الحلم الجميل
ضحكة صافية وليل طويل
جوا قلب ابيض خليل
عشناعمر وكان عليل
ايد واحدة تبنى المستحيل
روح صابرة بتكرر مثيل
صنعنا حلم عظيم جليل
بنينا نهضة جيل وجيل
كل خطوة بالف ميل
حضارة باقيه وفرع نيل
سطرنا للعالم دليل
لما كنا جيل نبيل
نقوم نصلى سوا ركعتين
قضاء حاجة فى دقيقتين
ندعى والايدين. مرفوعين
فى شهر رمضان اجمعين
يارب الرحمة ونقول امين
بقلم محمد عباس
الاسماعيليه .مصر
ليست هناك تعليقات:
إرسال تعليق