................
شرف الدين فاروق أحمد
........................
صورتي القديمة
/////////////////
صورتي القديمة
وأنا صغَيِّر
بضحكة صافية ملياها
لا كنت بشكي
ولا أتحَيَّر
ولا عمري حسيت إلأّهه
دلوقتي صورتي
بتتغَيَّر
والدنيا واخداني
في متاهه
اتغيرت........ كل
ملامحي
من جرحي أصبح قلبي
بيئن
من همي ماعرفتش
فرحي
وبان عليا.............قوام
السن
الحزن جاني وماسابنيش
والفرح تاني....ماعرفنيش
ولاقيتني ويا الجرح بعيش
حتي اللي ليا مانصفنيش
من كتر همي واحزاني
نسيت مكاني وعنواني
واللي يقابلني ياناس م الهم
يفوت كأنه........مايعرفنيش
الفرق باين في الصورة
كل الملامح مسرورة
دلوقتي لو أمثل فرحي
تمنعني نفسي المكسورة
من كتر مانا شفت قاسية
واحشني طعم الحنية
ولما ادقق في الصورة
أقول أكيد دي مش ليا
شاعر جنوووب
شرف الدين فاروق أحمد
ليست هناك تعليقات:
إرسال تعليق