..................
محمد عبد العزيز رمضان
..................
أهلا رمضان
كلمات الشاعر محمد عبد العزيز رمضان
أهلا رمضان
شهر الفرحة
شهر يجمع
بين الأحباب
شهر بيغسل
كل ذنوبنا
وينجينا
من كل عذاب
ساعة المدفع
تلقى اللمه
وفانوس قايد
فوق الأبواب
أهلا رمضان
ليه تتأخر
أنا قلبي عشانك
حب وداب
رمضان جانا
ومعاه بركة
ومعاه قرآن
محفوظ فى كتاب
ومعاه تلقى
لمة عيله
ضحكه جميله
وكمان أصحاب
أهلا رمضان
والله اشتقنا
كدا من غيرك
بنكون أغراب
أصحى يا نايم
وابدأ يومك
بصيام وزكاه
ربك تواب
أهلا رمضان
رمضان يحلى
لما يجمع
كل الأصحاب
واللي بيعصى
ويقول عادي
يببقى بيحلم
بأمل كداب
ولكل سؤال
تاعب قلبي
بلقى فى رمضان
لسؤالي جواب
روح يا رمضان
وأوعاك تنسى
أو تتأخر
من غير أسباب
ليست هناك تعليقات:
إرسال تعليق