..................
حسام بخيت
...............
عل جبل الحكمة اللي ف قلبي
ياما ناس بتعيش
بتحب وتسكن و بتحلم
و بتاكل عيش
بنمِد أيدينا وبنسلم
لكن بشويش
علشان بنحس وبتعلم
فينا الخرابيش
وازاي انا شُفتِك ف منامي
وانتي ماشُفتيش
وازاي بتخُشي ف احلامي
و ما تنكسفيش
لا انا قد هواكي اللي ف قلبي
ولا قد الشوق اللي ف جنبي
ولا قد النظرة اللي تعَدّي
ولا بتسميش
ده الحب اللي ف قلبي بيحبي
عامل درويش
مفطوم على حبِك متربّي
ماتحيرينيش
لا انا عارف أكمل من غيرِك
ولا قادر اقول كتّر خيرِك
و ما تلزمنيش
بنحب هوانا وبنسلم
ونخاف م الجرح ونتألم
و نعُض على أيدينا ونندم
لكن بنعيش .
شعر ..
حسام بخيت
ليست هناك تعليقات:
إرسال تعليق