.................
السيد علي القن
................
((( خليني احبك )))
خليني احبك ف صمت
واحرق أحشائي
ارضي عذابي ف قربك
وارضي هواني
خليني احبك وادوب
برغم حرماني
قلبي اللي حبك يادوب
مايرضي حبيب تاني
خليني احبك وأغرق
ف بحر الغرام تاني
حبك في قلبي غواني
وعايش في وجداني
خليني احبك وأقول
حبك في قلبي سجين
والنبض ناداني
سنين وقلبي حزين
راضي بحرماني
وأنت ب تخطر بقربي
اشعلت نيراني
خليني احبك واداري
شوقي ف كتماني
حتي وجودي بجوارك
ترياق في اشعاري
كلمات الشاعر/السيد علي القن
مصر
ليست هناك تعليقات:
إرسال تعليق