................
صبري حسين
.............
( المسحراتي) كلمات /صبري حسين
(9)
مسحراتي
ماشي علي رجلي
أدق علي طبلي
بدندن وأغني
اسلم علي كل اللي يقابلني
مسحراتي
بحب اسمع القصص والحكاوي
حكاوي كتيرة بتسعدني
َحكاوي قطعت قلبي
مسحراتي
عندي سؤال تاعبني
دايما شاغل عقلي
ليه النطرة السودة للمطلقة
الطلاق يا اخوانا مش جريمة
ممكن يكون الطلاق انقاذ حياة
الطلاق شيء أحله الله
قال المولي سبحانه
( الطلاق مرتان فإمساك بمعروف أو تسريح بإحسان ٢٢٩ البقرة)
وقال عليه الصلاة والسلام
ابغض الحلال عند الله الطلاق
فاهمين يا مسلمين
بغيض مش حرام
المطلقة انسانة كاملة
مش ناقصة حاجة
المطلقة مش معيوبة
ولا. ست لعوبة
المطلقة لو شافت راحة
وأرتوت من الحنية
لو وجدت معاملة انسانية
ايه اللي يخليها تضحي بكل حاجة
هو في حد يكره الراحة
يا أهل العقل والمفهومية
ليه نطرتنا للمطلقة متدنية
المطلقة انسانة شجاعة
شافت استحالة العيشة
الطلاق يا اخواننا قرار مش بالساهل
بلاش ننصب انفسنا قضاة
لارم نعرف ان البيوت أسرار
سبحانه الستار
يا اهل العقل والمنطق
الطلاق بداية مش نهاية
بلاش افكارنا المريضة
المطلقة ست شريفة عفيفة
مع نفسها متصالحة
الحياة عندها مش لقمة وهدمة
عايزة تعيش حياتها كاملة
معقولة بعد ما تكون عزيرة في بيت اهلها
الكل يطلب ودها
ترضي بالاهانة
ليه ترضي تعيش ميتة
مس لازم بكون العيب فيك ممكن العيب فيها
ليه توافق تعيش مع بقايا انسانة
فين هي الكرامة
الحل مع استحالة الحياة
كل واحد يروح في اتجاه
ليه نفضل نبهدل بعض
فين النخوة والشهامة
الرجولة مش مجرد أقوال
الرجولة مواقف وافعال
الرجولة انك تكون راجل معاها مش علبها
انك تعيشها الامان ترويها من الحنان
با اصحاب العقول الراقية والنفوس السوية
لازم نفهم القضية
الطلاق مش جريمة
تعالوا نتكلم بعقل وامانة
هي لو وجدت راحة مع زوجها
ايه اللي يخليها تضحي باستقرراها
بلاش علي بعضي نلمي اللوم
لازم نعقل الكلام
طالما حصل خلل في العلاقة
لازم نفكر بالراحة
كلنا بيتمني السعادة
يا اهل القلوب النقية
الله سبحانه الحكم العدل
عارف نفوسنا ضعيفة
شرع لنا الطلاق
الدين مش عايز علاقة معقدة
سبحانه لما اتكلم عن الزواج
جعل اساسه المودة والرحمة
المودة والرحمة اساس الاسرة السعيدة
مسحراتي
مش مصدق الحكاوي
ليه نبهدل بعد في المحاكم
وننسي اننا كنا لباس لبعض
ليه نهدم حياتنا
الطلاق يا اخوانا مش جريمة
ممكن يكون الطلاق رغم متاعبه
هو الحل الوحيد
بداية من جديد
يا اهل العقول الراقية
المطلقة مش ست مستهترة
مش لقمة سهلة
المطلقة مش بضاعة معيوبة
المطلقة ست كاملة
ضحت بالنفيس والغالي
عشان راحتها
المطلقة مش ست ضعيفة
مش محتاجة مننا شفقة
كل اللي محتاجه
اننا نعاملها كانسانة
نحافظ علي كرامتها
نراعي ربنا فيها
المطلقة انسانة كاملة
فكرت واخذت قرارها
اللي شافت في راحتها
الطلاق عمره ماكان عيب ولا حرام
الطلاق ممكن يكون خطوة للامام
يارب نفهم ونعقل الكلام
وننفذ تعاليم الاسلام
إمساك بمعروف أو تسريح بإحسان
كل سنة وانتم طيبين
رمضان كريم
صبري حسين
ليست هناك تعليقات:
إرسال تعليق