...................
نجوى رسلان
.................
قولي يا خال بقلمي د/ نجوى رسلان
قولي يا خال
القطر خان
ولاَّ الغدر في الإنسان
قضبانه مال
ولاَّ الشرخ فينا يبان
صوت القطر كان عالي
صراع الموت كان أقوى
صهيل القلب بكَّاني
صديد المر يستقوى
كان لي على الرصيف غالي
بيستنى رجوعي إليه
وأمي في دارها بتنادي
ضنايا طمنوني عليه
وصحاب كتير بيستنوا
يوم أرجع ونتسامر
أزرع حب ما يغادر
ويوم سافرت أقول راجع
صوت الأم ليه واجع؟!
قولي يا خال
ليه قالوا ركوب القطر لينا أمان؟!
أتاري الموت على بابه وليه عنوان
سامحيني يا أمه على بعادك
في الجنة ميعادي وميعادك
وسلام يا خال
بقلمي د/ نجوى رسلان
ليست هناك تعليقات:
إرسال تعليق