..................
إبراهيم رمضان
..................
قصيدة عادت إليه الروح للشاعر إبراهيم رمضان
حبيبي وكل ما ليا
متحرمنيش من الطله
سنيني عشتها بهواك
وعيش العمر استناك
وبحلم بيك ونا صاحي
ياروح الروح انا بهواك
وبشتاقلك في كل أوان
ونا دايب في عشقي غرام
وبستناك في كل مكان
وقول يمكن يجيني قوام
واحكيله عن الأحلام
وعن حبه اللي دوبني
سهرت الليل اناجي طيف
مهوش موجود
وفي النهار اقوم أسعى
اكون مولود
ألاقي حلمي وياكي
صبح موجود
ودي حكايتي وياكي
قدر موعود
وقول يمكن
في يوم يتحقق المحسوس
بلاش تيأس
دا يونس طلعوه م الحوت
وشق لموسى في بحره طريق
وأيوب بعد الضنا
رجع فارس مهوش معطوب
وساقية الأيام بترجع بيه
يعيش أخضر
وصافي كما الأول
وعشان بحبك
اعيد الكرا ميت مره
ومش هيأس
وقول بكرا هنتلاقى
وكلمه مكتومه جوايا
هتطلعلك
أشبك حلمي في أحلامك
يعيش يومك مع يومي
نقول الله
نسيب الفرحه تجمعنا
وننسى الحزن وف ثانيه
تتوه الآهه جوانا
ولا تلاقي
طريق لأوجاعنا
وكيف الآهه توجعنا
وبسمه في عنيكي
ترد الروح
يبان الفجر جواكي
ييدن ديك على اكتافي
يقول خلاص مهوش مجروح
دا كان عايش ومش عايش
ودلوقتي خلاص
عادت إليه الروح
ليست هناك تعليقات:
إرسال تعليق